چیرۆکی سەگە برسییەکان

هۆنراوە: چیرۆکی سەگە برسییەکان
هۆنەر: فەرید خان
لە کورمانجییەوە: ژیار هۆمەر

Çîroka Kûçikên Birçî - Ferîd Xan
Ji Kurmancî bo Soranî: Jiyar Homer

بەبێ وڵاتیش مرۆڤ دەتوانێت بژیێت
وەک سەگەکان
وەک سەگە بێخاوەنەکانیش
دنیا وڵاتی منە
مرۆڤ دەتوانێت بدوێت
چەشنی یۆتۆپیستەکان
چەشنی سەگە یۆتۆپیستەکان
گەر بە بەردەم ھەرکێیەکدا تێبپەڕیت
پێلەقەت تێ بسرەوێنێت
بچیتە ھەرکوێیەک، هەمووکەسێک سەگەکەیت تێ بەر بدات
سا کەس بێخاوەنییەکەتت پێ ڕەوا نەبینێت
کەسیش خۆی نەکات بە خاوەنت
و لە سەرانسەری جیھاندا
ئێسقانی لاکەتۆپیوێکی بێخاوەنیش نەبێت بیکرۆژیت
ئەوساکە ڕەنگە خاوەنێک و وڵاتێکت پێویست بێت
بۆ ئەوەی بە سەگایەتییەکەت بژییت!